KUTBAH RAJO

KUTBAH RAJO

Rasuluminnallah rasulumminannabil. Usul datang dari pada Allah asal datang dari pada nabi
Mako turuin firman Allah swt

Inni jailul fil ardi khalifah
Kato Allahuta'ala : mako aku dirikan Rajo diateh dunia ini untuk menjadi ganti aku, kato Allah sendiri
Untuk menghukum sebena hukum, untuk mengadat sebna adat, jikalau tidak hukum sebena hukum, adat sebna adat, mako munafik didalam narako jahanam selamo-lamonyo
Julu-julu tumbuh di lembah tadik gendun penggiling lado, julu-julu sayo tegak bediri terhagolah sembah sayo ke depati nan batigo pemangku nan baduo, ninik mamak paramenti nan selapan karno sayo nak mularehkan namo sko.
Batu tegak batu taradinding batu intan di benda cino, sayo tegak sambil bediri, keno sarayo anak batino, diwah celah dibawah piagam bawah lapik tenagao denai, bawah tembo nan tataruh, bawah payung dingen sikai baha tudung dingen silepak, disini depati guru, disini lungguk pemangku ninek mamak diiring anak batino dalam
Kudeth satu pucuk kubwah satu urek, disini kit soumpun bak serai sipidun bak ayam, sepucuk bak jalo, setukun bak paaf, stitin bak besi seletuh bedin setalu suhak, serangkuh dayung serentak satang, disini malu lun nyo bakuak supan lun nyo bubgai, menurut adat lamo pusako usang, jak ka dulu sampai sekarang idaknyo lapuk karno hujan idaknyo lekang karno paneh
Ba ktik ayam di pagu, timdak dimuko tanggo, ayam bakukuk agi ragu, apo lagi sayo tegak berdiri melarehkan namo sko.
Ilang semak timbun nyo semak ilang semak bukebun pulo. Menurut adat lamo pusako usang menurut pulai bertingak naik, menurut nau betingkat turun. Bruk li baganti li, buruk pua jalipo tumbu, ilang tuo bangti mudo, ilang mamak baganti punakan, ilang tubuh baganti badan.
Terbang lalat bedengung-degung terbang pipit batali-tali datang ucap datang merancam, mak terbang umpamo baruap, hinggap ditubuh barlio. Marlio terlalu ilang dihitung so sakian hari, satu turun kaduo, katigo, kaampat, kalimo, hari kaanam, katujuh hari.
Tatkalo maso agi dulu, areh belum, kursi belum, barulah langit tersintak naik, bumi tersintak turun, semat semato belum adp, umput antai julung ngaradak selang guri, badan baduo duo, samuang batungku tigo,baru satu urang umat yang adap berdiri iyolah ninek kito nabi Adam, kemudian diiringi ninik kito siti hawa.
Kemudian dari pado itu makolah ado rajo zulkanain, yang terbesut dari bumi, tercucuk dari langi yang lahir di sungai Nil, yang bertempat di sungai Nai, yang bernao Rajo hadlulkalifatullah dio memerintah kalau barat sampai ke maro kalau ketimur sampai hindustan ke utara sampai armenia
Mako dari pado itu makolah adao kayu yang sebatang bangkanyo batanango ke bumi pucukno menyurung embun yang putih. Badahan tigo, babuah tigo buah. Buah pertamao tacampak ke banda Ruhum, mako tarsilolah rajo disitu. Buah kaduo tacampak ke banda cino, mako tarasilolah rajo disitu. Bauh ngekatigo tacampak ke Pagaruyung mako adao Rajo yang tigo silo.
Mano rajo yang tigo silo;
Pertamo sultan marajo alif di tinggal di benda Ruhum yang memerintah di tanah besar, menjalankan hukum sebna hukum, menjalankan adat senan adat, dio memakai pedang jinawi gariti Allah, disitu adat yang nyato, disitu syarak yang nyalo, berbuhum meti adat berbuhum sintak, sejak julu sampai sekarang.
Kaduo sultan marajo lipah, dio diam di benda Cino, dio memegan telago meh melilih ka pancu pirak mulimpah ke Banda Cino, membao alat tukang cukup dengan genap, orang beitung dingen cupua sejak dulu sampai sekarang.
Katiog sultan mahadirajo abdullah, dio diam ri renah pagaruyung, yagn memerintah alam pulo,. Perca ini bertungkat cundik cemedang guhi, yang berkeris sepuh darajat balita tenunan kain sekito, tenunan nabi Allah Adam, situ teltak uki diateh gamut, mako tasirak breh dingen padi.
Tatkalo jaman agi dulu, sebilan laeh puncak palembang sembimlan lareh puncak Jambi. Telah pecah digunung Kembang, laju kaluak tanah datar, situ luah benda nan limo pulul. Katiko pulau pariaman pariang padang panjang. Mako titepat renah pagaruyung disity urang bapaga uyunh batunggak tereh jelatang, urang batabuh batang pulu-pulu, urang bagendan jangt umo, disitu umah adat istiadat, disitu batu basurat, babneh satampang, ado nyawat sabingki tangguk, dapat padi tujuh langkiang
Nio gading batudung biso, kebau banuang bakudo urang, putri puti bungsu bacindur mato, menurut adat lamo pusako usang, idak lapuk karno hujak idak lekang karno paneh, sejak dulu sampai sekarang.
Kemudian dari pado itu, makolah ada sultan yang delapan
1. sultan sri pangkat, dio memerintah negeri aceh
2. sultan srikadi dio memerintah negeri indragiri
3. sultan bagumak putih baJanggut merah, dio memerintah negeri lekuk alam sungai pagu
4. sultan muhibatu, dio memerintah negeri banten betawi
5. sultan gindorbi, dio memerintah negeri johor (malaya)
6. sultan muhammad syah dio memerintah ngeri alam nahpuro
7. sultan indorahmi dio memerintah negeri palembang
8. sultan sri padi, dio memerintah ngeri jambi
kemudian dari pado itum, makolah ado ninek pangerang tamenggung kebur bukit guntang-guntang antaro palembang dingen jambi diateh ayi tigenang dibawah batamen tunggan
kemudian dari pado itu, dio membao kain pandak kain panjang, mako tittepat di maro masumai, disitu tataruh pundok meh tapiah meh, lubuk udang-undang pusako ayam, bagung bahjalo lalat jalo lalat batamu suri bajong imau batali suto .
kemudian dari pado itu, nak mudiok jugo kebatang marao, mako ditampuh pulau silayang-layang, mako ditempat di bukit kayu rebah, disitu intan teralalunin, mangkuto teralalu cayo.
Ank mudik jugo kebatang marangin, mak didaki katanjung samumu, ka tatepat ka bukit si sungani runggang di lembak betung terantak di darat batu karang jukut, didili pumarap dimudik pemuncak, ditengah tengah batin yang baduo.
Kemudian dari pado itu, mako titempat di lubuk gaung, menempat depati setio rajo, urang mngiyo ka kato rajo, urang ngiyo ka kato jenang
Nak mudik kutanah nah, nepat depati setio nyato, nyatokan kato rajo, nyatokan kato jenang.
Didili tanah liat, dimudik dian ditakuk rajo, situ silang balantak besi, idak lapuk karno hujak idak lekang karno paneh, nepat depat satio meti tigo di baruh empat diateh.
Nak mudik jugo ke parantak ndah, mako buranti dipadun timdak bukan padun timdak padun pamuja puti samlako, urang mamjujo gunung simaniurai, nguraikan breh dingen padi,
Malinggong ili kerinci ndah, melinggong kurinci tinggi, nak nurun Tamiai kecik, mako tetapat tamiai gedang nepat Depati muaro langkap, urang nangkap kato rajo nangkap kato jenang
Nak mudik jugo kalubuk paku, nepat pamangku ado disitu, nak ngeja pulau sangka, situ nia tubuh buranti ngendam kapayah lawan litak, ngendam ka pluh ngusi turun, duduk bukipen dingen sapu tangan, duduk bukiwat dingen sirung lita, di makan sirih dingen sikapu, diudut ukok dingen sibatang. Menurut adat lamo pusako usang nepat depati rencan telang, urnag menelak kato rajo menelak kato jenang.
Nam munaki padun bulkuh, padu adin kayu batingkut lamo barundin ati kusut lamo brrinok ati larut mako titepat bukit panjinjau latu bukan bukit sitnjau laut bukti maninaju pati empat delapan helai kain
Nak mudik jugo ka dusun tarutun, tarutung mndapo tunggan, nepat depatu sanggu langit urang nyanggu kato rajo orang nyanggu kato jenang.
Idak jugo tubuh senang disitu nak mudi k jug kapulau pandan. Pulau pandan anjung kutengah, singgah burenti di bukit saggumanik, situ nain ngendam kapayh lawn litak, ngendam kapluh ngusi turun, duduk bakipeh dingen sapu tangan, dudeuk bakiwat dengan sirung lita. Lamo berunding punano jauh, lamo barinok punano dekat.
Mako tetepat disanda agug. Situ tataruh pundok meh tapian meh. Lubuk undang-undang pusako, yaam bagung bajalu lalat, jalu lalat batamu suri bahang imau batali suto
Mako titepat ku balai melintang tinggi, tinga gedang sendi kerjan asukno gading batindih gading dindingnyo pirak layang pulo. Situ tataruh pusako alam kerinci
Partamo; Tanduk kijang bacipang tujuh, penyebut dio mendapao depati kepalo sembah
Yang keduo; tumbak belang bagumbak mas bajanggut mas, penyebut dio, pegawai rajo pegawai jenang
Ketigo keluk kait bermato duo bagumbak perak bajanggut luyang, untuk menjemput depat empat delapan helai kain.
Dimudik bai batumbuk tigo didili maro ayi kinci, didarat tanjung samarindu, batunyu putih kerbau nyu tiduo, batunyi itam kebauynyu mandi, jalwak jaluwio jaluwi luwi kacupak ambai balarik. Saliman tanah undang-undang nepat depati batu ampa
Tanjung tanah jalan ka laut, ka riang babatung kuning diateh bataman dewa, dibawah balubuk gading, didili betung terantak, dimudik serik mulambung Didili mangku malin madiman, dimudik mangku agung, utan sajembo bubelah duo, sakilan mangku agung idak bulioh ile, sejengkan mali madiman idak bulih mudik, sejak kadulu samapi sekarang,
koto tebat nau tikalik tirai baganto di darat tanjung garugo di lembak bukit satiung sungi tutung tutu tabanu
mako di tempuh pendun ndah, pendung tinggi, cembung kelam ayi nyu nin batu barbayang ikannyo jinak. Situlah ayi pandai bakacitung, situlah buih pandai mungarang sejak kadulu sampai sekarang
koto payung semurup tinggi, negerinyo kukuh senjatonyo cukup, didarat sungai mulintang, dilembak tembang bajulang, dimudik kotonyo pudin, didili koto jiluang, ditengah antau limau purut, dibawah itu persembahan batu bargantung, didarat itu babayeh tunggan diateh paninjau datu datuk, dibawah panurun tunggang, dimudik padun gelanggang, diateh padun butapo, dibawah bamanau kuning, sulak kapalo barih.
Koto mudik panunrun tunggan larik umah buju mulintan urang ngeja kato sepakat, urang ngeja kato seluku, banyak cemooh alim ulamo, banyak pasik serto ngen gilo, sejak kadulu sampai sekarang
Koto tengah padang kamulau batu baranggit, urang bukeja kato nak tuo, seak dulu sampai sekarang
Kto datuk kandang kebrau dalam padang keladi, urang ngeja kato nege pecah, urang ngeja kato nge bingkau. Urang mudo tunggan nak mayusun urang tuo tunggang nak menyanggah sejak dulu sampai sekarang.
Koto cayo tanjung balbih, pulau munyurung batunyo puytih umpamonyo garam. Urng tuo tunggan bulaja, urang mudo segan bulaj, sejak dulu sampai sekarang
Muaro semerah ayie nyo angit, kampungyo cerdik biong pari idak tajak tajuk mumakan, idak kait tupang nak ngenai idak ntam tapak tajang lah tibo pulo, sejak dulu sampai sekrang
Kot larak koto lirik koto tuo, koto payang balai limo buradik, surut kudarat ayi sikungkung mati lepeh ku maro nepat Pati ngalih, pergi ke ulu nepat depati sekungkung. Diateh babukit kepak dibawah ayi sikungkung mati
Dimudih batabuh ndah batabuh tinggi, ditunggu rio sirujung panjang, didili bukit kampung malaikat, ditunggu bujang pariang putih kunci negeri. Mako titepat dikoto beringin di bawah sungai liuk, diateh bakot lalang nepat rio ngabi Aceh. Nak ili koto lolo, didarat koto kreh dibawah ampa besar. Didili dudun mpih, diateh pundok tinggi, ditengh sungai penuh, nepat dio pugwai rajo pugawai jwnang, dimudik bukit puti, didili koto pandan, diateh batu bulirit, dibawah depati balam, dideili kunindai bah anjung, kumudik tanjung pauh. Tanjung pauh punai merindu merincukan bujang dingen gadih, ngula ka adat mauk kaserak tua ado cilako tibo
Nak ngeja semerah tinggi, mako titepat semerah ndah nepat depati rajo sangga rajo sanggak, naik dateh ke pancu aro, kelembak ke laut tanah tacuhuk, dilaut kami batumbuk tigo bento, dingen balayei ku maro injab kudateh ka dusun tuio, ka ili ka dusun manik menepat depati satauk kedaro sepadong ayam, klaut serangkum jalo.
Nak ili ka pati jujun, kadarat talang kamuning belah dili kapidung muak, kadateh bajangka tinggi, kabawah batanjung batu, ka darat depat gento, ka lembak dusun sebukar, sabukar bakuto salak ke pendung ka talang gentng mako tetapat ka tanah kampung kecik nepat depatih putih tiang setio, kelemak selingkung tanjung garugo. Didili dusun pengasi dimudik dusun tanjung. Mako tetapat ke koto lanang kampung cerdik biang pari, urang paningkah panjang langkah, situ pihit dingen piyung pelit ladeh pelita kumbang mako titepat di tebat ijuk nepat pati cerano padong cindung dingen gaguk antai dingen sekilan, upeh dingen acun suwik belui sumbong semurup, muko titetap di koto majion, koto majidin kotnyo kedim siwan lirh gaji lutu, bajunyo dalam gaji pusat, meh setael disirung lita utang lsepetih idak dibayi sejkak kadulu sampai sekarang
Galumpang pulayang incung. Kot baru ayi nyo tenang. Balubuk bangko tajam lembut makan tulang, sejak dulu sampai sekarang
Koto diair kayu aro mangka pinang sibatang sekapu arah dingen ajun, bilik kecik idak nyu bisi, bilik gedang idaknyu penuh, jak kadulu sampai sekarang
Koto dua anyinyu nin, batu berbayang kampung cerdik biong pari urang paninkah panjang langkah urang beebut kato idak sudah urang berubut kato idak suntuk seka kadulu samapi sekarang
Dusun gedang mesjid mamuncak sekumpu alim dingen ulamo suruh idak di kerjo, tegah idak urang ngenti, sejak ka dulu sampai sekarang .
Dusun balai balai munganjung kaduduk anak batino dalam, bakambang lapik batungku jarang bapiuk gedang, duduk depat nan tigo luhah mendah tibo piyuki kecik tajewran gmendah lari \piyuk gedang tajerang sejak dulu sampai sekarnag